Op jag met die kamera

Op ons vorige besoeke aan die Oribi Gorge en die Lake Eland Natuurreservaat het ons die staproetes gevolg om die pragtige natuurtonele af te neem. Daar was ook ‘n paar fotos van die wilde diere wat ons toevallig langs die pad teëgekom het (sien fotos in hierdie blogposte):-

Jy beter suutjies trap

… en toe bid die Moslem, die Christen en die Heiden saam

Hierdie keer het ons gegaan met die spesifieke doel om die wildslewe te gaan beskou en het die aanbevole game drive / scenic route gevolg. Daar was weer elande en ‘n paar ander boksoorte wat ongelukkig te ver van die pad af was om af te neem, maar ek het in vorige blogs reeds fotos van hulle geplaas. Die outjies in die fotos hieronder was op hulle gemak en het reg langs die pad gestaan en wei.

Soos julle kan sien, is die wêreld nog sopnat en grasgroen na die onlangse reëns. Die water het oral uit die rotswande gedrup en klein watervalletjies tussen die hoë rotswande gevorm. Ook in die vinnig vloeiende rivier onder in die kom van die Gorge was daar talle watervalletjies.

Hierdie pragtige gesig het ons gesien met ons vertrek van die Gorge af met die ou pad terug na Port Shepstone toe.