Ons hou konsert – musiek en dans by Rebusfontein

Vanaand is die aand wat ons ‘n konsert gaan hou wat Rebusfontein tot in sy fondamente gaan skud. Die Towerinne moet onthou om hulle kort uitskop-rompies en danstekkies aan te trek. Ons gaan musikante hê wat optree by ons amfiteater – ons gaan dans en paartie hou tot net skuins duskant dagbreek.

Kom neem deel aan hierdie bloguitdaging wat deur Woordnoot vir ons geskep is en hak jou blogpos aan die skakel wat spesiaal hiervoor geskep is: https://fresh.inlinkz.com/p/24f3cd306d0d4f75a62c1f4aaa1fa76f

Ek het grootgeword in die 60’s en natuurlik het ek nie die Rock n Roll era, die jitter bug, die shake en die twist misgeloop nie. Ook nie die energie van die musikante wat geruk, gerol en hulleself hees gesing het om die dansvloere nie. Wie van my blogvriende onthou nog die opwinding, die romantiese atmosfeer wat aangeblaas is deur die “wilde” musiek (volgens ons ouers), die romanses wat geblom het op die dansvloer en rondom die platespelers waar ons nog musiek gemaak het met seven singles?

Hier is ‘n voorsmakie van wat gaan gebeur. Die Beatles was een van die groepe wat die 60’s musiektoneel oorheers het. Ek het op 13-jarige ouderdom smoorverlief geraak op al vier (kon nie kies tussen hulle nie) en vandag nog, wanneer ek hierdie liedjie hoor, voel ek vlinders in my maag. Die dans is die jitterbug wat reeds in die 40’s so gewild was.

Lyrics:

I have no kick against modern jazz
Unless they try to play it too darn fast
And change the beauty of the melody
Until it sounds just like a symphony
That’s why I go for that rock ‘n’ roll music
Any old way you choose it
It’s got a back beat, you can’t lose it
Any old time you use it
It’s gotta be rock ‘n’ roll music
If you wanna dance with me

songwriter: Chuck Berry

Soms is ek verbaas dat ek na al hierdie jare, dekades eintlik, nog elke woord van elke liedjie onthou. Ek wens my geheue was so so goed wanneer ek moet onthou waar ek my motorsleutels neergesit het. Tot my verbasing sing my kinders ook nou soms hierdie liedjies en tot hulle verstomming, val ek op die regte noot in en sing ewe lekker saam – oukei, miskien haal ek nie meer al die note nie, maar die energie bruis nog lank genoeg deur die are om die liedjie enduit klaar te sing. Wie het almal gebop op die maat van “Well be-bop-a-Lula she’s my baby 
Be-bop-a-Lula I don’t mean maybe”?

of die een hieronder, Barbara Ann deur die Beach Boys?

Lyrics:

Ba ba ba ba Barbara Ann
Ba ba ba ba Barbara Ann
Ba ba ba ba Barbara Ann (take my hand)
Ba ba ba ba Barbara Ann
Ba ba ba ba Barbara Ann
You’ve got me rockin’ and a-rollin’
Rockin’ and a-reelin’
Barbara Ann
Ba ba ba ba Barbara Ann
Went to a dance

songwriter: Fred Fassert

In die middel-sestigs het almal geruk en geskud op die maat van musiek sonder om ooit aan hulle dansmaat te raak. So anders as die balke toe langarmdanse wat die “oumense” gedurende die bruilofsfeeste gepleeg het. Die ouer generasie kon nie hierdie nuwigheid verstaan nie en het gemor oor die onkruidsige kinders wat hulleself so knoop soos koeksusters – die nuwe danse het niks goeds voorspel vir moraliteitstandaarde nie. Aan die voorpunt van die twist n shake was Chubby Checker wat ons almal leer dans het. Wie onthou nog Hooka Tooka, Limbo Rock, Jingle Bell Rock, Whole Lot of Shaking Going On en natuurlik Let’s Twist Again?

Lyrics:

Come on let’s twist again 
Like you did last summer 
Yeah, let’s twist again 
Like you did last year
Do you remember when 
Things were really hummin’ 
Yeah let’s twist agin 
Twist the time is here
Well, around and round and up and down 
We go again 
Come on baby make me know you love me so

songwriters Kal Mann / David Appell

En terug by die Beatles – Twist & and Shout het ten minste een keer by elke partytjie weergalm. Kom wees nou eerlik – is dit enigsins moontlik om jou voete stil en jou mond toe te hou wanneer hierdie klanke opklink?

Lyrics:

Ah, ah, ah, ah, wow
Baby, now
Twist and shout
Come on, come on, come, come on, baby, now
Come on and work it on out
You know you twist, little girl
You know you twist so fine
Come on and twist a little closer now
And let me know that you’re mine
Well, shake it, shake it, shake it, baby, now
Well, shake it, shake it, shake it, baby, now
Well, shake it, shake it, shake it, baby, now
Ah, ah, ah, ah

songwriters Bert Russell / Phil Medley

Hoe wens ek soms ek kon daardie dae, toe ek sulke absolute sekerkeid gehad het dat die lewe wonderlik gaan wees, weer terugkry. Net vir ‘n paar uur wil ek weer wil ek weer kan vóél soos wat ek gevoel het toe ek sewentien was. Ek dink nie my emosies het ooit weer so hoog gehardloop soos op daardie ouderdom nie. Baby (in Dirty Dancing) was reg toe sy vir Johnny beduie het hoe sy oor hom voel en hoe bang sy is dat daardie gevoel nie ooit weer dieselfde gaan wees nie – effens seer, en terselfdertyd duiselingwekkend.

I’m scared of everything. I’m scared of what I saw, I’m scared of what I did, of who I am and most of all I’m scared of walking out of this room and never feel again the rest of my whole life the way I feel when I’m with you.

Ek wou die toneel uit die fliek hier geplaas het, maar ek hou meer van die Staccato’s se weergawe van Cry to Me. Ons het tog almal die fliek gesien en hoef net ons oë toe te maak en ons verbeelding in te span om weer te sien hoe Baby en Johnny hulleself verloor in die liefde.

Lyrics:

When your baby leaves you all alone
And nobody call you on the phone
Doncha feel like crying
Doncha feel like crying 
Well, here I am, my honey c’mon baby, cry to me
When you’re all alone in your lonely room
And there’s nothing but the smell of her perfume
Doncha feel like crying
Doncha feel like crying 
Doncha feel like crying
C’mon baby, (c’mon) cry to me

songwriter: Bert Russell

Vanaand gaan ons dus ‘n bietjie hare laat hang, die inhibisies opsyskuif en ons vergryp aan die lewe en die liefde. Geniet dit!

Ns. Ja, ek weet Elvis is heel bo aan my blogpos en nou het ek nie ‘n woord oor hom gesê nie. Dis bloot nie nodig oor oor hom te praat nie. Ek het alreeds alles oor hom gesê deur die jare. Kyk hier. Ek weet een van die ander Towerinne het hom genooi, dus hoef ek niks te sê nie.