Vuurvliegie het dit in hierdie bloguitdaging oor ‘n rymelary. Ek dink dit hou merendeels verband met die stuitige Afrikaanse liedjies wat so op ‘n lewendige ritme suggestiewe rymwoorde uitspoeg.
Ek het gisteraand besluit om ook ‘n rymelary aanmekaar te slaan met die sleutelwoorde wat Vuurvliegie vir ons gegee het. Gelukkig is daar nie ‘n ek-lus-jou ondertoon nie en gelukkig hoef dit nie ‘n musieklike ritme te hê nie. Want. Vanoggend moet ek erken dat ek simpatie het met die liriekskrywers wat probeer geld maak op hierdie wyse. Ek sal nooit my daaglikse brood so kan verdien nie. My kop is nie gebou vir sulke legkaarte nie.
Dus: ‘n Rymelary oor die herfs (dis nog nie winter hier nie)
So maak mens om deel te neem aan hierdie uitdaging:
Jy kan ‘n enkele stel woordsnoer rymwoorde as inspirasie vonk gebruik, of al die rymwoorde – nes jy lus het. Tower dan jou rym. Maak seker om die woord (e) in vetdruk (bold) aan te dui in jou skrywe.
Ons uitdaging strek oor twee weke, 20 Junie sal die skakel sluit. Nooi blogmaats om saam te kom speel! En moenie vergeet om jou bydrae op Inlinkz te gaan aanhaak nie! https://fresh.inlinkz.com/p/86350a0e80e643788015a86178e3b125
Lekker snoer.
Image by Steve Buissinne from Pixabay
Please find information about the coronavirus here 
Vuurvliegie se lekkervurigeaffêre
Dis nou mooi herfs gerym.📚✏🌟
HesterLeyNel
🙂 Dankie Vuurvliegie, maar om te dig (of te rym dan) is beslis nie my koppie tee nie.
Vuurvliegie se lekkervurigeaffêre
Haai, ek herinner my aan sulke mooi rygsels by jou…🤗🌻
HesterLeyNel
En hét ek nie my breinderms uitgeryg om daai klompie te voorskyn te bring nie …
Toortsie
Uitstekend! As ‘n mens kan, dan kan jy.
HesterLeyNel
Dankie Toortsie, maar jou beoordeling is natuurlik effens subjektief – Rebusfonteiners moet saamstaan.
Toortsie
Saamstaan? Ja
Subjektief? Nooit as te nimmer nie! 😳
woordnoot
Sê net bietje weer daai stukkie oor kan nie rym nie? Welgedaan Hester! Jy kan toe rym!
HesterLeyNel
Dis Vuurvliegie wat gerym het – ek moes net ‘n stertjie byskryf. Maar nou moet ek jou vertel – ek en ‘n ander blogvriend (AJ Vosse) kuier toe nou die aand so lekker op sy radioprogram waar hy die heerlikste musiek gespeel het. En vir elke liedjie het ek die lirieke gaan opsoek. Musiekmense het die wonderlikste talent om om te gaan met klanke, ritme, woorde, gevoel. Ek het groot bewondering vir hulle. Maar ek verdra nie hierdie klakkelose Afrikaanse liedjies wat handel oor – wel, waaroor handel hulle eintlik? Daar is tóg Afrikaanse liedjies met pragtige lirieke – Koos Doep, Anton Goosen. Om só ‘n talent te kan hê …
woordnoot
Ek luister na baie liedjies want ek probeer altyd liedjies speel wat by die tema pas en veral afrikaans….ek hoor die mooiste goed van onbekende kunstenaars…maar ek sukkel ook met my baby en my bokkie en kaas bra!
Kameel
Saam met Scrapy haal ek my hoed vir jou af….en maak ‘n buiging. Dis goed geskryf Hester!!! Nee liewe land die gestoei met my elektriese kombers was kinderspeletjies teen hierdie uitdaging. Het ek met potlood en papier probeer was ‘n paar potlode al middeldeur gebreek.
HesterLeyNel
Ek vind die beste manier vir my om so iets te doen is om net te sit en te begin skryf. Dan sif ek net later die ergste woordevloed uit, rangskik die ou spulletjie en hoop vir die beste. Dankie vir die kompliment.
scrapydo2.wordpress.com
Nou’s ek uitasem gelees. Daar is darem n ellelange storie in die rym verskuil. Welgedaan. Ek haal my hoed af vir jou.
HesterLeyNel
Whaha, dankie – was ek weer vreeslik verbaal?
scrapydo2.wordpress.com
Nogal, maar dis hoe ek jou ken. Bring it on my friend, bring it on. Ek het dit beslis geniet.
HesterLeyNel
Dankie Scrapy 😀
Tannie Frannie
Hier is sulke mooi digterlike vondste – “…hoe die suidewind die wolke abba…”; “…met ‘n blaf in sy lag…” ek hou baie daarvan!
HesterLeyNel
Ag dankie Frannie, komende van jou is dit ‘n groot kompliment.
trommeltjies
Puik gedoen Hester
HesterLeyNel
Dankie Trommeltjies
Una
Hester op haar beste… Sowaar, daar skryf ek iets war rym. Baie goed gedoen, Hester, sulke mooi, nuwe woorde wat hande vat.
HesterLeyNel
Dankie Unatjie, jy doen my hart goed.
Una
Alexander Baai en Oranjemundt was nou glad nie plekke om oor te skryf nie. Ons is terug Port Nolloth toe; ek lê op die bed en kyk na die see hier reg voor ons. Heerlik snoek geëet. Hierdie is vir my ń wonderlike kusdorp, Hester!
HesterLeyNel
Die beste. In my kinderdae was ek mal oor die dae wat begin met so ‘n ligte motreëntjie en digte mis. Die reuk van vis en seebamboes wat so in die mis hang. En dis mishoring wat so mistroostig blaas om skepe te waarsku teen gevaar. Ek en my broers het daar met bakkies (klein bootjies) uitgegaan om krewe met nette te vang. My pa het vir ons bokkoms (visbiltong) gemaak van harders en hulle in trossies opgehang onder die bak van sy Bedfordlorrie. Bedags was ons by die water of tussen die sandduine en saans het ons so half in die lug geslaap – velle gaar gebrand deur die son. Dit was die heerlikste vakansies.
Una
Ons het met ń paar baie interessante mense hier gesels.
HesterLeyNel
Ek was nooit in Oranjemundt nie en slegs enkele kere in Alexanderbaai se binnekamp. In daardie jare is toegang streng gereguleer vanweë die diamantbedrywighede daar. Ons was wel baie naweke en skoolvakansies in Port Nolloth en laer af teen die kus by Hondeklipbaai.
sonell
Hierdie het ek nou baie geniet. 🤗
En ek stem. Die alewige ek-lus-jou liedjies blus sommer my lus om te luister.
HesterLeyNel
Net so Sonell
perdebytjie
Uitstekend gedoen, Hester!
HesterLeyNel
Dankie Bytjie. Lekker om jou weer hier te sien
perdebytjie
Ja ek is terug met my angel weer gelug en gelig…ek probeer ook rymelary…hehe!
HesterLeyNel
Vliegie het met almal se breins gesmokkel hierdie keer 😁
Sonel
Ek dink hier rymelary van jou kan dalk ‘n lied aan die gang sit hoor. Pragtig geskryf Hester. 😀