Hier is ons in die Niewe Djaar 2019 en die bloglanders kort ‘n nuwe skryfuitdaging wat ons almal weer gaan opkikker. Stem julle saam? Ons het almal so lekker gekuier saam met die Towerinne in die giggelgroen bus (die Kuier-Safari uitdaging) dat dit amper lyk asof ons blus uit is. Maar daarvoor het Lekkervurig goeie raad.
Lekkervurig gaan onder die vaandel van Lê-Jou-Eier ‘n maandelikse bloguitdaging aanbied, op die eerste Donderdag van elke maand, en dit handel oor … sy gaan 12:00 daardie blog plaas, so julle kan daar gaan lees.
Of wag: ek sal gaaf wees – hier is die skakel na Lekkervurig se blog toe: Woordsnoere 1. Die InLinks skakel is: http://www.inlinkz.com/new/view.php?id=816031. Ek is baie opgewonde oor die idee en ek glo elke Afrikaanse blogger wat lief is vir die Taal, gaan hierdie uitdaging geniet!
Onthou asseblief: ons uitdagings is oop vir ALMAL wat in Afrikaans skryf op enige platform. Dit maak dus nie saak waar jy blog nie – skryf jou blog en gaan heg jou skakel aan op InLinkz (Lekkervurig sal die skakel verskaf). Vir diegene wat nog nie voorheen aan ons uitdagings deelgeneem het nie – die reëls en ‘n verduideliking van hoe InLinkz werk, is beskikbaar by my volgende blogs: Lê-Jou-Eier: Reëls en Lê-Jou-Eier: Hoe neem ek deel? Versprei die woord op julle blogs en sosiale media.
Vir diegene wat ook graag as gasbloggers wil optree, kontak my asseblief met jou idee. Laat ‘n boodskap op hierdie blog (of op my whatsapp as jy my nommer het).
Kom ons inspireer mekaar!
lekkervurig
Ek sit en tel minute af. Dankie Hester vir die geleentheid om my meander-gedagtes te laat gaan en in ‘n lekker uitdaging te kan laat uitloop!
HesterLeyNel
Ek is nou meer opgewonde as jy! En my man is kwaad want hy moet wag – sy vrou wil nie vandag vroeg kom tv kyk nie. Hahaha.
travel460
Jippee! Kan nie wag om weer deel te neem nie. Laatwaai, Lekkervurig.
pajamasmetsokkies
Dit klink uitstekend en hou mens se kreatiewe kop aan die gang.
HesterLeyNel
Net so! Neem asseblief deel, dis groot pret.
lekkervurig
Gaan loer. Blykbaar is dit nie in almal se ‘reader’-lys te sien nie. https://lekkervurigeaffereblog.wordpress.com/2019/02/08/woordsnoere-1/
HesterLeyNel
Ek het dit sommer in my blog se lyfie ook gaan sit.
lekkervurig
Dankie Hester. Aanstaande maand loop alles vlot. Ek was seker te wild en wakker vanmore.
HesterLeyNel
Ek sê jou mos – dis jou aansteeklike entoesiasme wat onweerstaanbaar is.
perdebytjie
My muse slaap juis…dalk sal hierdie my inspireer!
HesterLeyNel
Ons is nog almal lam van die marathontoer wat ons onderneem het 😁
kethuprofumo
Dear Hester, how it goes with the Christmas gift? Are there any news? 🙂 🙂 🙂
HesterLeyNel
No news on either the one that you sent or the one that I sent to you. I suspect the last one is still floating around in this country, although it seems to have disappeared. But we’ll keep looking out – remember, last time it took almost three months.
kethuprofumo
No problem! I believe in them, my dear! I’m certain that they are very close to us. It takes so much time for Santa Claus to reach both destinations! 🙂 🙂 🙂
HesterLeyNel
😁
rondomtaliedraai
OOOOOO ek gaan lekker kom lees
woordnoot
Sjoe…dis nou n lekker manier om hierdie suwee grysstof weer af te stof!
HesterLeyNel
Sê ek ook!
scrapydo2.wordpress.com
Mooi man, beslis tyd vir n paar lekker vertellings. Het verlede jaar gedink om weer te Toeka-Tokkel maar as ons gaan eiers lê pas dit my beter, dan hoef ek nie so hard te dink nie.
HesterLeyNel
Jy kan van jou idees gebruik om gasblogger te speel en ‘n uitdaging aan te bied onder die Lê Jou Eier vaandel soos wat Lekkervurig nou doen. Dis makliker om die administrasie op InLinkz te behartig. Dit kan ‘n eenmalige onderwerp wees of gee ‘n paar onderwerpe. Laat weet my, dan maak ek vir jou ‘n datum vas. Dis altyd lekker as almal saamspeel en onderwerpe verskaf.
scrapydo2.wordpress.com
Sal beslis eers so bietjie moet dink om dit interessant en lekker te maak. Ek het mos BAIE tyd nodig om dinge uit te werk en te oorweeg.
sonell
Jippie! Ek het hoeka begin van die week rondgesnuffel om te kyk of daar weer ‘n uitdaging is.
HesterLeyNel
Ja, ons gaan nou ‘n paar losstaande onderwerpe ook doen saam met Lekkervurig se Woordsnoere. Ons moet eers weer energie opbou vir ‘n vervolgverhaal.
sonell
Ek stem. Ons woordeskat bietjie uitbrei.