Liewe bloggers wat deelneem aan die Kaleidoskoop-vervolgverhaal, ons het ‘n klein probleempie opgemerk met Nellie se familieverbande wat nou skeefgeloop het en ons gaan dit gou regstel.
Die maklikste manier om dit te doen (hierdie is ‘n eenmalige remedie!) is om terug te keer na hoofstuk 1 waar ek geskryf het dat Esra Viljee die enigste broer is van Nellie se ma. Oom Esra gaan nou die enigste broer word van Nellie se pa. Hulle is halfbroers en daarom het hulle verskillende vanne. Pleister opgeplak en die storie kan voortgaan sonder probleme met familieverwantskappe.
Dit is egter van belang dat ons moet let op die volgende:
- Dit is die verantwoordelikheid van die blogger wat skryf om hom/haarself te vergewis van die korrekte feite, MAAR ons maak almal foute. Help ons deur die foute uit te wys, sodat ons dit kan regmaak in daardie blog, anders loop die storie later skeef.
- Onthou asseblief dat dit nie die ideaal is om terug te gaan en veranderinge aan vorige blogs te doen nie. Dit kan ‘n “ripple effect” hê wat later veroorsaak dat ons die draad heeltemal verloor.
- Ons kan en moet kommentaar lewer oor wat ons lees en wat ons van die stories en die karakters dink. Dis lekker, dis opwindend en maak goeie geselskap. Ons moet egter waak daarteen om die storie in die kommentare te skryf. As die feite nie in ‘n blog weergegee word nie, vorm dit nie deel van die storie nie. Dit verhoed niemand om voorstelle te doen in die kommentare en so ‘n bietjie invloed uit te oefen op die verloop van die verhaal nie.
Verwys altyd na die opsomming by die skakel www.hesterleynel.co.za/booktalk/ en maak seker van die storielyn voordat jy jou inskrywing begin skryf [NB! hierdie opsomming is nou permanent geskrap 2018.09.06]. Plaas dit meer druk op die latere skrywers? JA!!! 😄 😃 😀 Dis deel van die pret. Dis hoekom ek altyd diegene wat reeds geskryf het aanmoedig om ‘n tweede keer in te skryf – op diè manier word almal van ons so ‘n bietjie gestraf. Dit maak mos die speletjie lekker.
Om te help daarmee om die breinselle agtermekaar te hou, sal ons ‘n kaart opstel wat duidelike familieverbande aantoon, asook die verskillende rolspelers in die verhaal (Lekkervurig het onder vreeslike druk vrywillig aangebied om hiermee te help 😇😇😇) sodat ons darem kan onthou wie se neef trou met wie se niggie.
Onthou nou – Esra is nou Nellie se PA se broer. Gaan voort en skryf!!
Please find information about the coronavirus here 
Positief
Arme jy wat heeltyd die kloutjie by die oor moet hou, dankie vir die regstelling
HesterLeyNel
😄 Dis Frannie wat hierdie pobleem raakgesien het
Toortsie
Klink my hier is bloedskande aan die gang! So Nellie se pa en ma is broer en suster as hy beide se beoer is. Skokkend!
HesterLeyNel
Sê ek ook!
Toortsie
Ons bloggers kan maar net nie ‘n storie reguit hou nie. 😱
HesterLeyNel
😳 Is net so
Toortsie
En dan is hier nog kantlynskrywers ook!
lekkervurig
Fokus Toorts, fokus😉
Toortsie
Ek laat my aandag maklik weglei!
lekkervurig
🤗 Gelukkig het jy vir ons….
Toortsie
Sonder julle sou ek dit nooit kon maak nie. Jul moet my net help onthou wanneer dit my beurt is.
lekkervurig
🔦🖊🗒
Toortsie
Mag ek bieg? My storie(hoofstuk 10) het ek reeds net na joune geskryf. Ek pas hom net heeltyd aan. 😱
HesterLeyNel
Hou jy nog by? Ek is al so effens vuisvoos.
Toortsie
Natuurlik. Net soos ék dit kan doen! 😱
lekkervurig
O jinne Toorts, dis seker soos om kwik in jou handpalm te probeer hou….
Toortsie
Ons kyk wat gebeur. Dalk val die kwik voor die tyd op die vloer! Dit hét al amper!
lekkervurig
Hester is ons kwikmeester
travel460
En ek lag hiervoor…☺☺☺
Bondelsgedagtes
Sê ek ook Toorts… ek bewe skoon
HesterLeyNel
… wat help om haar aandag te laat dwaal.
lekkervurig
Hester, verjaar nou lekker, en onthou om by die maan verby te vlieg.🚀🌕🌔🌓🌒🌑🌚🌝😉🎂
HesterLeyNel
O ek gaan beslis vanaand rondvlieg op my rietbesem. Ek het my verjaardag uitgestel na Sondag toe – vandag kan ek nog doen wat ek wil.
lekkervurig
O, eh, eh
HesterLeyNel
Ons gaan ‘n Blog/Skrywersgilde stig en ‘n nuwe literatuur genre skep – die chaotiese roman.
Toortsie
Ek hou hiervan! 😁
travel460
Kyk Toortsie, ek lag so vir jou dat Bertus sommer hier ingestorm gekom het om te hoor wat aangaan!
Toortsie
Ai tog. Wat het ek dan nou weer gedoen? Moet ek nie so maak nie?
Tannie Frannie
Ag wonderlik – die letterkundiges sukkel hoeka al lankal om iets nuuts gesê te kry, hier’s hulle kans nou!
travel460
Dis vir hierdie opmerking wat ek so lag!
Bondelsgedagtes
Dit gaan interressant wees…
HesterLeyNel
Ja, my ouma was mos met Nellie se vooroupa getroud, so ek kan nie wag om die uiteindelike ontknoping van my familiebande te sien nie.
Bondelsgedagtes
Eeeejôh Hester… as ander mense my familie nog deurmekaarder moes skryf as wat dit is sal ek dalk in Japan eindig…hahaha…
HesterLeyNel
en dalk is ek ‘n Gupta?
Bondelsgedagtes
🤔o hel neeeeee. Jys te oulik vir n gupta
HesterLeyNel
Jy bedoel ek is te arm!
Bondelsgedagtes
Ja maar hulle sou jou geld gegee het…
perdebytjie
Ons moet regtig kophou met die storie!
Baie geluk met jou verjaarsdag, Hester. Ek hoop jy is vandag baie bederf.
HesterLeyNel
Dankie Bytjie. Ons het ‘n verjaardagbraai beplan vir Sondag, want ek en my man verjaar so saam-saam en ons vriende dieselfde. Ons vier dit saam.
travel460
Hoe weet julle sy verjaar!!! Agge nee, ek het dit gemis!!! Gaan nou dadelik daarvan werk maak!!!
Bondelsgedagtes
Facebook red my van vergete verjaarsdae Una dis omtrent al waarvoor ek facebook nog aanhou…
HesterLeyNel
Ja en my familie-uitleg is op facebook. Nou kan ek sommer onthou watter niggie en nefie is wie se kinders.
HesterLeyNel
Hulle dwaal rond op my facebook.
travel460
Ek is hopeloos te lui vir facebook, so ek mis uit met almal se verjaarsdae.
HesterLeyNel
Ek besoek fb so een keer ‘n week en Twitter minder dikwels.
scrapydo2.wordpress.com
Nou het ek ook eers hier gesit en al die gesprekke gelees. Trompie vererg hom sommer vir my gelaggery. Hy wil gaan loop en ek is nog nie eers aangetrek om te gaan nie. Hierdie storie toor met mens se kop. Dis egter die doel daarvan. Sal beslis die naweek moet sit en my lyne ingooi om alles op te vang wat opgevolg kan word. Die Viljee broers is beslis nie engeltjies nie. So is Nellie se ma Dan nie familie nie? of is ek verkeerd? Sal darem nie Nellie n bloedskande kind wil maak nie.
Bondelsgedagtes
Scrapydo ek is bly ek is nie die enigste ene wat sukkel nie. Ek voel soos standerd ses se laegraad wiskunde in hoërgraadklas…😉
scrapydo2.wordpress.com
Ha ha dis nou goed gestel. Ek sit nou en skryf my storie. Nou moet ek nog uitwerk gaan sy dit of dat doen. Ai dis n gedoente .
HesterLeyNel
Scrapy, gaan jy nou verder met die Esra-gedeelte of met die Nellie-gedeelte?
scrapydo2.wordpress.com
Ek vat maar koers Kimberley toe en probeer n bietjie daar uitsorteer wat eintlik maar n storie is. Ek gee hom so n lekker romantiese geleentheid wat opgeraap kan word.
HesterLeyNel
Red nou ‘n volk wat nie eens weet wie hulle familie is nie …
lekkervurig
Nellie se ma is aangetroud met Nellie se pa en lyk jy het katgeknyp met Ezra…..
scrapydo2.wordpress.com
I see, hierdie donkerknypers kry maklik teespoed.
HesterLeyNel
😄
lekkervurig
Wel, as jy nou reg lees beslis – Nellie is kwaad van misgund, is met verduisterde geld vort, Ezra se hart kan dit nie vat nie, dis ‘n affere!
scrapydo2.wordpress.com
Helse gemors. Wat sal die familie van alles sê
HesterLeyNel
Nee, die ma is nie meer familie nie. Ons het haar uitgegooi. Ek lag my nou vrek. Nellie se pa (Jan Visagie en Esra Viljee is nou broers en nie een van ons het onthou om die vanne in ag te neem nie). As jy Esra se storie verder voer, kan jy hulle dalk verklaar as halfbroers?
scrapydo2.wordpress.com
Aha. Ja, ek het gelees van Visagie en toe van Viljee en ook in die begin van Jan Mankement en Ellie Vatlappie. Sjoe dit was nou n uitsortering wat nogal met my kop gesmokkel het.
HesterLeyNel
Ja, ek dink as Jan en Esra halfbroers is, dan beteken dit dat Esra die familieplaas van die Viljees geërf het en Jan is die armlastige omdat die Visagies net ‘n aangelapte familie was. Esra het dus ‘n stiefpa gehad nadat sy pa dood is, maar hy het nogtans die familieplaas behou. Werk dit nou? Ag, sê tog asseblief dit werk.
scrapydo2.wordpress.com
Dit werk nou reg uit. Gelukkig hoef hul nie alles op paper te he nie. Net solank Nellie haar deel van die erfplaas /geld kry. Ek het maar vir eers weggaskram van die familieuitleg verder.
HesterLeyNel
Ek is bevrees dat as daar ‘n vorige testament was, gaan Nellie dalk nie erf nie, want hierdie laaste nota van Esra is in gevaar daar in Lettie se hande en dis ook nou nie juis ‘n geldige testament nie.
scrapydo2.wordpress.com
Mmmm, nogal waar gelukkig hou Lettie darem van Nellie.
Bondelsgedagtes
Liewe hemel ek is nou deurmekaar…as iemand n lys het van wie waar gewat het met wie stuur asb vir my daai lys want my beurt kom nog en net nou klim da nog iemand erens uit wat nie daar moes gewees het nie
HesterLeyNel
Ek gaan ‘n lys op die muur plak, maar net ‘n bietjie later – nou gaan ek strand toe en dan shopping therapy doen.
Bondelsgedagtes
Stiir daai lys vir my hoor. Geniet..
Tannie Frannie
Awww, vat my saam strand toe…
HesterLeyNel
Ek wens ek kon.
Kameel
Hester, ek vertrou jy en jou man…. en vriende het ‘n lekker feesviering gehad. Mag ek sê ek geniet julle deurmekaar koppe vreeslik!!!! Hoop die lys help 😂😂😂😂😂😂
HesterLeyNel
Ja, dit was ‘n lekker kuier gister. Ek hoop ook Nellie se DNA bly nou uitgesorteer! Dankie vir die saamlees.
aj vosse
Vlokkies… of soos onse Nellie sou laat weet… met ‘n eislike knoop f-woords… nou sien ek amper bloedskande aankom hier by my alternatiwe Nellie!!
Is ek nog oukei met my weergawe (Nellie se ma)… of moet ek ook gaan regmaak?
Ek sal seker maar moet want my storie begin waar jy ophou… nog ‘n string f-woorde… so vir die wis e die onwis!!
Oukei… ek gaan maak reg… :/
HesterLeyNel
Skande!!!