Ek reken ek is diep beswaard

Die treinbrug oor die Mhlangamkuluriver. Indien my Zulu my nie in die steek laat nie, beteken die naam “Groot Riet”. Ek is seker daar is ‘n storie daaragter.

Ons trein loop nie op die oomblik nie, weens verspoelings en skade aan die spoorlyn hoër op teen die kus. Dit bied die geleentheid om bo-oor die rivier te loop, met ‘n lieflike uitsig na beide kante oor die strand en die rivier.

Wanneer die riviermonding toe is, loop ons verkieslik strandlangs. Hierdie liefderyke paartjie (Egyptian Geese) het ons raakgeloop by die riviermonding tydens laaggety.

Hier het die rivier begin uitloop in die see en die sandwal diep uitgekalwe. Ons het baie versigtig deur die stroompie geloop. Die hond, wat aan ‘n ander strandbewoner behoort, het heel gerieflik gelyk in die water.

Net anderkant die rivier is pragtige rotsformasies. Met hoogwater loop ons met die paadjie aan die bokant van die rots deur die digte kus-plantegroei. Die uitsig op die see is asemrowend.

Die rotsformasies van naderby.

Strandlangs is daar ander vreugdes. Hierdie krap was net so nuuskierig soos ons.

Die sand onder op die strand van naderby. Oor die algemeen is die sand redelik grof hier (maar nie rasperig sodat jou voete seerkry nie). Loop kaalvoet hierdeur en jy sal geen eelte op jou voetsole kry nie.

Tussen die rotse blom hierdie vygies tog te vrolik.

Die vuurpyle groei bo teen die randjies en daar staan ‘n hele klompie. Wanneer almal in blom is, behoort dit ‘n lieflike gesig te wees. Op hierdie foto is hulle net aan die begin van die blomseisoen.

Die vuurpyle van naderby beskou.