Hallo! Hallooooo-ooo-oo-o, Hester is hier

ENGLISH BELOW

Hallo. Hier’s ek! Hier’s ek! Ek het julle so gemis; dit het gevoel of my brein geamptuteer was. Ek kan nie wag om in te duik en saam te gesels nie.

Telkom het nog nooit by die paartie opgedaag nie, maar Karen het ‘n plan gemaak. Daar is mense met adsl lyne in die kompleks en die buurman langs ons het vriendelik ingestem om sy datalyn met ons te deel totdat Telkom opdaag met ons lyn. Hy verskaf die lyn; ons verskaf die die data. Ons noem dit Deelnet 😜 Gelukkig is hulle studeerkamer se venster regoor Karen se kamervenster en ons lessenaars staan nou voorlopig in haar kamer. Ons kry ‘n sein wat goed genoeg is om basiese internet te bedryf. Salig!

Alles is uitgepak, ons hou van ons nuwe huis en die bure agter ons het aangebied dat ons hulle wasgoedlyne kan deel totdat ons ons eie kan oprig. Deellyne 😊

Sien? Jy kry nog goeie mense, goeie bure wat bereid is om ‘n helpende hand uit te steek

Ons is besig om die posseëlgrootte tuintjie reg te ruk en ons het ‘n paar heerlike dae op die strand kon deurbring. Die weer is koel en die wind soms lastig, maar daar is altyd daardie lekker dae tussenin … 😀 sien maar die foto wat ek geplaas het (sodat julle kan onthou hoe ek lyk!) en oordeel self.

Ek het so baie blog-leeswerk om in te haal. Wat ‘n lieflike vooruitsig. Ek wonder wat het ek alles gemis.

Hello. Here I am! Here I am! I missed you so much; it felt as if my brain was amputated. I cannot wait to dive and join the chat.

Telkom has not come to the party yet, but Karen made a plan. There are people with adsl lines in the complex and the neighbor next to us has kindly agreed to share his data line until Telkom arrives with our line. He supplies the line; we provide the data. We call it Sharenet 😜 Fortunately, their study window is right across Karen’s bedroom window and our desks are currently in her room. We receive a signal that is good enough to run basic internet. Blessed we are!

Everything has been unpacked, we love our new home and the neighbors behind us offered to share their laundry lines until we can put ours up. Sharelines 😊

See? There are still good people around, good neighbors who are willing to give a helping hand.

We are working on the postage size garden and we have been able to spend some wonderful days on the beach. The weather is cool and the wind sometimes bothering, but there are always those nice days in between … just see the picture that I placed (so you can remember what I look!) And judge yourself.

I have so much blog reading to catch up. What a lovely prospect. I wonder what I missed?