Dis Ekke

My vreugdes en frustrasies

Lê-Jou-Eier

Lê-Jou-Eier: Hoe neem ek deel?

Lê-Jou-Eier Ons gesels saam oor alles en nog wat in Afrikaans

Onbeskaamd Afrikaans

ONDERWERPE WAAROOR ONS REEDS GEBLOG HET

A. HUIDIGE UITDAGING

Die perfekte misdaad (geopen vir deelname 01/02/2018) Hierdie buitengerwone uitdaging is geskeduleer vir een maand en sluit op 1 Maart 2018

B. VORIGE UITDAGINGS (gesluit vir deelname, maar beskikbaar om te lees)

Politiese korrektheid (gesluit vir deelname 01/02/2018)

Ons gesels oor “manscaping” (gesluit vir deelname 25/01/2018)

Die feesseisoen (gesluit vir deelname op 07/12/2017)

Jy leef net een keer (gesluit vir deelname op 30/11/2017)

Vertel ‘n spookstorie (gesluit vir deelname op 23/11/2017)

As ek maar liewer … (gesluit vir deelname op 16/11/2017)

Sulke vriende het ek nie nodig nie (gesluit vir deelname op 09/11/2017)

Fluister liefdeswoordjies in Afrikaans (gesluit vir deelname op 02/11/2017)

As Afrikaans sou uitsterf … (gesluit vir deelname op 26/10/2017)

Oorgeërfde eienskappe (gesluit vir deelname op 19/10/2017)

Wat is jou superpower? (gesluit vir deelname op 12/10/2017)

Wat maak jou bang? (gesluit vir deelname op 05/10/2017)

Wat sal ek saamvat? (gesluit vir deelname op 28/9/2017)

Verskaf ‘n byskrif (gesluit vir deelname op 21/9/2017)

Skryf jou eie grafskrif (gesluit vir deelname op 14/9/2017)

Gee en Ontvang (gesluit vir deelname op 7/9/2017)

Sê dit in Afrikaans (gesluit vir deelname op 31/8/2017)

SO MAAK MENS

STAP 1

Gaan kyk wat die onderwerp vir die week is. As jy my blog volg op WordPress of Blogloving, sal dit in jou Leser verskyn, andersins kan jy die pos sien by die skakel Dis Ekke net na 12:00 elke Donderdag.

Die aankondiging sal nie net die titel van die onderwerp bevat nie, maar ook ‘n kort beskrywing van waaroor die onderwerp moet handel.

Nuwe onderwerpe word aangekondig elke Donderdag om 12:00 en sluit outomaties na een week.

In hierdie blog sal jy die volgende paragrawe sien:

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Paddatjie

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.

STAP 2

Gaan skryf jou blog, net soos gewoonweg. Sê jou sê en las prentjies by as jy wil. Doen asseblief STAP 3 voordat jy die blog publiseer.

STAP 3

Om ander bloggers te oorreed om ons blogs te gaan lees en miskien deel te neem, neem asseblief hierdie stap, hoewel dit nie streng noodsaaklik is om jou blogpos te koppel aan InLinkz nie.

Soek die paragraaf wat in STAP 1 hierbo aangehaal is in die blogpos wat die nuwe week se uitdaging aankondig en copy & paste dit onderaan jou blog.

Om te copy & paste, highlight (kleur in) die hele paragraaf met paddatjie en al. Klik regs op die muis en selekteer Copy van die pop-up menu af (of gebruik Control C op die sleutelbord). Gaan nou na die plek in jou blog waar jy die paragraaf wil plak, klik regs met die muis en kies Paste op die pop-up menu (of gebruik Control V) op die sleutelbord om die paragraaf in jou blog te plak.

BELANGRIK: Die blokkie met die blou paddatjie bevat die skakel vir die NUWE onderwerp op InLinkz. Jy moet sorg dat jy vir elke week se onderwerp op die paddatjie-skakel vir daardie spesifieke week gaan kliek, m.a.w., klik altyd op die paddatjie-skakel wat gegee word onderaan die blogpos wat die nuwe onderwerp aankondig. Moenie met ou paddatjies speel nie! Nuwe uitdaging = nuwe paddatjie.

STAP 4

Publiseer nou jou blogpos.

STAP 5

Maak nou jou blogpos oop (asof jy dit wil lees – nie in edit mode nie).

Gaan klik op die blou paddatjie en die skakel sal jou lei na Inlinkz. Die bladsy sal die naam van die nuwe onderwerp aandui.

Heel onder op die linkerkant sal ‘n blou blokkie wees met die woorde “Add Link” daarin, wat daarop dui dat die onderwerp nog “oop” is. (Let op onder in die regterkantse hoek word ook aangedui vir watter tydperk die uitdaging nog gaan oop wees vir deelname). As daar nie ‘n “Add Link” knoppie is nie, het die uitdaging reeds gesluit soos wat regs onder aangedui sal word. Kontak my as jy dalk ‘n laat inskrywing wil byvoeg – ek kan dit van my skakel af doen.

InLinkz onderwerp

STAP 6

Kliek op die blou “Add Link” knoppie om die volgende skermpie oop te maak en vul dit in:

InLinkz2

*Link: Maak jou eie blogpos wat jy wil deel oop en sorg dat jy die hele skakel van die spesifieke blog hier copy and paste. Die skakel verskyn aan die bokant van jou internet browser se bladsy en sal die datum waarop jou blogpos gepubliseer is, sowel as die titel van jou blogpos aandui.

InLinkz3

*Link title: InLinkz plaas outomaties ‘n titel in hierdie veld, maar dit mag dalk te lank wees of nie presies soos wat jy dit wil hê nie. Hou dit kort en saaklik (50 karakters of minder)

*E-Mail: Vul jou e-pos adres in. (Hierdie is nie my korrekte e-pos adres nie, net ‘n voorbeeld!!!). Onthou net weer, dit moet ‘n geldige e-pos adres wees. Ek, as administreerder, is die enigste een wat die e-posadresse sal kan sien; dit word nie deur InLinkz aan derde partye beskikbaar gemaak nie.

*Image source: Hierdie is die foto wat gebruik gaan word as thumbnail op die InLinkz bladsy (ek het die Lê-Jou-Eier logo hier gebruik, maar jy kan kies watter foto jy wil gebruik). Hier is twee maklike keuses:

  • Blog: InLinkz mag dalk vir jou voorstelle maak van fotos wat jy kan gebruik uit jou eie blog. Jy kan een van hulle select en crop. InLinkz sal hulle crop tot die regte grootte (125×125 px).
  • Upload: As jy verkies om ‘n ander foto op te laai, kliek op die Upload funksie en gaan haal ‘n foto uit jou eie files / directories op jou rekenaar. Ek gebruik gewoonlik .jpeg of .jpg files van grootte 700×700 px wat maklik en vinnig oplaai.

Wanneer die inligting ingevul en die thumbnail opgelaai is, kliek op “DONE” in die blou blokkie heel regs onder.

En siedaar, jou inskrywing sal sigbaar wees vir die ander bloggers op die bladsy waar ek die uitdaging geskep het.

Hier is ‘n kort video wat ook die prosedure verduidelik:

As jy nog onseker is, vra asseblief dat ek kan kyk hoe ons bloggemeenskap kan help. Ek sal Donderdag sorg dat my twee blogposts (die een vir die aankondiging en die ander een vir my eie bydrae) geskeduleer word vir 12:01. Dalk wil jy daar loer voordat jy jou eie een aanpak!

Okei, ek hoop ons kuier lekker hier 😊

Follow Dis Ekke

20 Comments

  1. Hester. Ek gaan probeer. Hel, maar ek weet nie of ek gaan regkom nie!!!🙈🐴

    • Mooi so. Dit klink erger as wat dit is en hulp is net ‘n inbox, whatsapp, skype call weg. Jy sal sien – jy gaan dit so geniet. Ek is al vreeslik opgewonde.

  2. Dankie dat jy vir ons moeite doen! Ek’s in…

    • Dankie, ek het geweet jy sal belangstel. Ons moet nog daardie vervolgverhaal oor ouderdom skryf waaroor ons lank terug gepraat het. Hierdie platform sal werk daarvoor!

  3. Dis baie mooi uiteen gesit! Ouens moet net stap vir stap dit volg! Baie dankie vir al jou moeite! Ek lief dit!

    • O dankie. Ek het gedink jy sal daarvan hou. Ek wil juis nou navorsing doen op InLinkz om te gaan kyk of en hoe ‘n mens ‘n tweede administreerder kan byvoeg wat kan help as dit dalk besig raak! 😀 Ek dink darem dit sal makliker wees as om self te sukkel met al die pingbacks en publikasie van die skakels. ‘n Verdere bonus is natuurlik dat dit meer sigbaar gaan wees op ‘n sentrale plek.

  4. Ek raak al hoe meer benoud. Dis ‘n spelery met ou paddatjies en nuwe paddatjies en eiers word gelê en jy sê dis nie uit die bose nie! En dit hier in die openbaar vir almal om te sien! 😱

    • Hande bo die kombers Toortsie!

      • Jy het my behoorlik laat wakkerlê. Wat gaan nog alles hier uitbroei?!

        • Nou-net vir Frannie gesê – sal hierdie nie ‘n lekker platform wees waar ons almal saam aan ‘n vervolgverhaal oor ouderdom kan skryf nie? Haha. “Die Goeie Oues”.

  5. Hierdie eiers le, speel met ou en nuwe paddatjies gaan nog versoorsaak dat hier iets uitbroei. Dit klink na lekker fun maar oi dit klink ingewikkeld, ek sal tyd moet maak om mooi te lees…

    • Jy sal sien, as die uitdaging oopmaak en jy eers die nodige skakels kan sien, sal jy dit gou onder die knie kry.

  6. Het jy lankal op Litnet geblog?

    • Ekke was daar vir omtrent ‘n maand of twee, toe is ek weg na WP toe. Jy was nog die eerste persoon wat my destyds daar kom “ontmoet” het en my gehelp het om aan die gang te kom, maar ek het nie van die platform gehou nie.

  7. Ek blog op WP as christainthailand. Hierdie paddatjies-ding klink vir my lekker maar o aarde, nou sit ek diep in die vyftig, diep in die noorde van Thailand … ver van my rekenaarslim kind wat my oorspronklik gehelp het om te begin blog! Ek gaan probeer … maar anders sien ek julle oor bietjie meer as ‘n maand as ek terug in in SA!

    • Jy’s enige tyd welkom om aan te sluit Christa. Ons het elke week ‘n ander onderwerp en almal neem maar deel wanneer hulle kan of wil. Ek neem aan jy is met vakansie? Geniet dit hoor.

  8. ek kom reg maar die tot by die thumbnail – dit bly sê “no thumbnail” ??? Dan kan ek nie ‘n foto oplaai nie en dit wil ook nie dan “done” aanvaar nie.

Leave a Reply

Theme by Anders Norén

Back to Top
%d bloggers like this: